同細妹超蓮鬥冧仔同細妹超蓮鬥冧仔

同細妹超蓮鬥冧仔
超雲發功男友 Dry變 Wet

超蓮前晚透露將為媽咪和賭王的 33周年結婚紀念表演。　
Moschino車厘子圖案裙$14,100
賭王何鴻燊的三姨太陳婉珍上任東華副主席，每年東華舉行就職晚會，何鴻燊例必出席支持，但今年賭王要留家療養，於是派出索女超蓮扮靚靚傍實媽咪行孖咇，再由超雲拖仔撐場，大講冧仔「由 dry變 wet」，母女三人成為晚宴風頭躉。

賭王三姨太陳婉珍、二房長女何超瓊、超蕸、張德蘭及王賢誌等，前晚在灣仔出席東華 ball。賭王今年缺席，三姨太在身穿 Moschino車厘子裙的細女何超蓮護航下到場，其大女超雲則拖着男友皮草太子爺王大業（ Andy）現身。三姨太直言：「係爭少少，不過錢一定會照捐，啲女都好樂意做善事。」她透露賭王現時間中會外出遊車河。

三姨太陳婉珍前晚得愛女超蓮、超雲及其男友 Andy護駕撐場。

超雲和皮草太子爺男友 Andy公開打情罵俏，大晒恩愛。
超蓮掛住留學男友

何超瓊表示賭王出院返家休息，她才有心情輕鬆去 ball。

超蓮則說：「爹哋叫我哋扮靚啲。」為何不帶男友 Jeremy到場？她說：「男朋友返咗澳洲讀書，都掛住佢，今晚同媽咪行孖咇。」有人指其男友 Jeremy比家姐超雲的男友 Andy靚仔時，超蓮即說：「唔好咁講啦。」對於有指 Jeremy似韓星，她說：「佢似山下智久加言承旭，佢好貪靚，成日照鏡。」
另一邊廂，穿 Lanvin黑裙的超雲戴上媽咪借出的巨鑽頸鏈示人，講明拖住男友 Andy為母撐場，她說：「今日特登帶男朋友支持媽咪。」有記者開玩笑問 Andy有否準備一百幾十萬捐錢贊助三姨太時，他即扮儍說：「我嚟係支持 auntie。」超雲指他 dry所以經常搽潤唇膏，他直認不諱：「係呀，我都好 dry。」超雲見男友乖乖企定任記者發問，她心花怒放地說：「我會將佢由 dry變 wet。」兩人隨即相視失笑。
Andy經常被外間將其身家及背景拿來與超雲比較，問到他會否介意時，他說：「冇乜所謂，我冇壓力。」
超雲男友自誇靚仔

至於樣貌被拿來與超蓮男友比拼， Andy說：「你問我，我梗係覺得自己靚仔啲。」他更謂食過超雲親手煮的公仔麪，但問到婚期， Andy即說：「我哋啱啱先一齊咋喎，過多一兩年先問。」
此外，同場現身的賭王二房長女何超瓊明顯細心打扮過，問到她是否蜜運中時，她說：「冇，因為爹哋情況康復，我好多周邊壓力都解決咗，好安樂。」

同細妹超蓮鬥冧仔 同細妹超蓮鬥冧仔

同細妹超蓮鬥冧仔同細妹超蓮鬥冧仔