one-piece潮流時尚音樂美容健康休閒資訊社區論壇

one-piece潮流時尚音樂美容健康休閒資訊社區論壇
 
首页注册登录

分享 | 
 

 結婚四年遭踢爆 匆匆開記招解畫

向下 
作者留言
one-piece韓國服裝
論壇管理員
avatar

帖子数 : 155
积分 : 4610
威望 : 0
注册日期 : 10-03-25
年龄 : 32
地点 : 深圳

帖子主题: 結婚四年遭踢爆 匆匆開記招解畫   周日 三月 28, 2010 7:30 am

鄭中基、阿 Sa落淚宣佈離婚

畢竟曾經相愛,在記者會尾聲時,鄭中基輕撫蔡卓妍,以示安慰。黃偉雄攝
【本報訊】藝人鄭中基( Ronald)與蔡卓妍(阿 Sa) 06年秘密結婚,兩人一直否認,直至本報昨日獨家刊登兩人在美國註冊的結婚證書,兩夫妻終召開記者會,公開承認配偶關係,但兩人卻同時宣佈離婚。淚水失控的七分鐘自白當中,鄭中基兩度形容婚姻生活「非常之咁開心」,然後因了解而分開。最近才高調宣佈與 Ronald分手的阿 Sa,則以私隱為理由,沒有解釋為何隱瞞婚訊多年。記者:胡苑君、蔡元貴

不許記者提問的記者會,昨日黃昏在九龍灣展貿中心舉行,逾百記者一早來到等候。架着深色眼鏡、穿深色外套的鄭中基,面容憔悴。身邊的阿 Sa略為精神一點,合照時也偶爾展示微笑,不像她那木無表情的丈夫。二人卻仍然很有夫妻相,記者會上有時會凝視對方。

鄭中基說到與蔡卓妍正申請離婚時,忍不住感觸落淚。

蔡卓妍談及與鄭中基關係時,亦不禁拭淚。
「希望成為永遠嘅好朋友」



「結婚係一個事實。」鄭中基把貓紙放在桌上,宣佈這個流傳了四年多、也迴避了四年多的事實。他說:「 06年我哋兩個非常之咁開心,做咗呢個決定,而亦都得到雙方家長嘅支持下,我哋喺洛杉磯註冊結婚。」他這樣解釋秘密結婚的理由:「一路以來,我同阿 Sa對於我哋嘅感情,同埋結婚嘅態度,我哋都覺得係我哋兩個私人嘅事,亦都唔需要,亦都冇必要同大家公開。」
婚事是神秘的,婚姻是快活的。鄭說:「喺結婚呢幾年,我哋生活同埋大家都係非常之咁開心。」但他續說:「而經過呢一段時間,大家嘅共同成長,同埋對彼此雙方有更加深入嘅了解,發覺我哋分手係對大家日後比較好啲。所以,最近我哋同大家宣佈我哋分開,亦都係一個好理性嘅情況下,做出一個咁嘅決定。而呢個決定,亦都係一個事實。」
公開了婚訊之後,鄭中基一併交代了離婚消息:「我好相信,離婚係跟住大家落嚟會追問嘅問題。呢件事我哋已經處理緊,而所有一切法律程序要做嘅嘢,我哋亦都會做。」這時候, Ronald低頭數秒,強忍淚水,阿 Sa輕拍他的大腿,然後遞上紙巾。
「儘管……我哋唔能夠成為夫妻,但係我哋的而且確有過一段好開心嘅時間。更加……希望我哋可以成為永遠嘅好朋友。」說到此處, Ronald有點崩潰,兩度除下眼鏡,拭抹眼淚。鄭太阿 Sa則多次望向丈夫,現場咪高峯傳出阿 Sa用力索鼻水的聲音。

接下來,沒有貓紙的阿 Sa,以略帶哀傷的語調發表她的宣言:「其實一直以來同 Ronald拍拖到結婚到家分開咗,大家都係有共識地去做每一樣嘅決定,同埋都係我哋兩個人嘅選擇。所以一路以來,我哋都覺得,呢一樣係我哋兩個人嘅事情,所以冇選擇去同大家交代。」
事實上,鄭氏夫婦一直以來不僅沒有公開婚訊,更多次在傳媒追問下否認真相。阿 Sa昨日這樣辯白:「因為覺得呢啲係我哋嘅私事,好想呢個成為我哋小小嘅秘密。一路以來,其實都以為,雖然我哋係藝人,但係都可以有屬於我哋自己嘅私隱。」
「已經對好多人造成傷害」



這時阿 Sa表現得有點激動:「但係原來……原來係藝人唔可以存在有私隱嘅。」阿 Sa聲音哽咽,需要 Ronald用手輕拍其大腿安撫。她續說:「一路以來唔選擇去公開,係因為我哋都達成一個共識,係希望可以保護大家兩個嘅關係同埋我哋嘅屋企人。到家,已經對好多人造成一個傷害,亦都唔希望會接住落嚟係有接踵而來嘅傷害,所以今日就同大家一齊去交代呢一件事。」
二人說話合共不足七分鐘,阿 Sa說完,二人即離座,讓記者再多拍幾張合照後,匆匆散場。
Sa基婚事是昨日城中熱話,壟斷各大討論區留言,有人認為結婚是私事,毋須公開,也有人認為藝人身為公眾人物,需要有誠信。
返回页首 向下
http://one-piece.forumotion.com
 
結婚四年遭踢爆 匆匆開記招解畫
返回页首 
1页/共1

您在这个论坛的权限:不能在这个论坛回复主题
one-piece潮流時尚音樂美容健康休閒資訊社區論壇 :: 新聞消息 :: 娛樂新聞-
转跳到: